القلب نصراوي
قصيده تبكي صح لسان شاعرها
القصيدة صوتيه في المرفق
كلمات الشاعر / ماجد النمري
| ((((قصتي مع فتاه)))) |
| دقـت عليـه بنـت فـي تالـي الليـل وانا لوحدي جالـس(ن) فـوق مركـاي |
| قالت محمد ؟؟؟ مختلف صوتهـا حيـل جاوبتهـا لا ثــم قـالـت إذاً بــاي |
| قلت اصبري هاتـي علومـك بتفصيـل وإخذي علومي واسمعي صفـوة الـراي |
| أنـا لحالـي وسـط كـل الرياجـيـل مالي حبيب امشي لـه اليـوم بخطـاي |
| الجيل هـذا غيـر والجيـل لـه جيـل مـا يعشقـون إلا ابـو اللـك والهـاي |
| وأنا بدوي(ن) عاشق السيـف والخيـل من هول ماشفته تـرى عفـت دنيـاي |
| وانتي وش انتي فـي زمـان التهاويـل قالـت بحـزن اليـوم ياكبـر بلـواي |
| انـا صغيـرة سـن مارحـت للميـل ولا خرجت بخطوتـي خـارج حمـاي |
| بس الفقر والضيق قاطـع لـي الحيـل ما امتلك لو هو ريال(ن) فـي مخبـاي |
| واعرف بعد مـا عندنـا حبـة الهيـل ما ناكل الا خبـز يابـس مـع الشـاي |
| والبيت ظلمه مـا اشتعـل فيـه قنديـل والجـار مـن قدامنـا رايـح وجـاي |
| وابـوي ميـت فـي بدايـات ابـريـل من كم سنه واليا طـرى ابكيـه ببكـاي |
| وامي مريضـه شوفهـا يجلـب الويـل ادعـي لهـا دايــم وبالله رجــواي |
| واوضاعنـا رثـة وتحتـاج تحلـيـل ومـا حولنـا رجـال سامـع لشكـواي |
| حتى اجتهدت وقلت انا ليش مـا احيـل واشوف لي زوج(ن) يغير في مجـراي |
| واخذت لي شايب لـه عيـال وبخيـل سبعيـن عمـره ميـر اناديـه مـولاي |
| رضيت به غصبا وشفـت انـه حليـل واثره يزيـد الجـرح ويـزود الـداي |
| دايـم يعذبنـي وانـا احـط واشـيـل مثل الاجيرة سرت من غيـر مشهـاي |
| ياويل حالي ما حصل شـي(ن) مهيـل كلما مرضت اصيح ما جاب لـي دواي |
| عانيـت عنـده وادبـل الكيـل بالكيـل شايب نذل مكـروه كنـه مـن اعـداي |
| احرمنـي أمـي يـوم زاد الغرابـيـل واخذ ثيابـي غصـب واستنفـذ قـواي |
| ثم ذبني فـي شـارع(ن) يشبـه النيـل فيـه العـرب زوار مـا قـدر انثـاي |
| جلست اكفكـف فـي دموعـي بمنديـل ورجعت عند امي ذليلـة مـن اقصـاي |
| والحـال نفـس الحـال مافيـه تبديـل الله يصبرنـا وانـا ادعيـه بـدعـاي |
| هـذه حقيـقـة قلتـهـا دون تمثـيـل ومحمد المطلـوب شايـل لـي اعبـاي |
| رجل(ن) كريم(ن) من رجال(ن) مشاكيل ما نعرفه لكـن حايـز علـى رضـاي |
| يجلـب لنـا العيشـه بلـيـا تعالـيـل الله يحفظـه مـن غـدر كـل وشـاي |
| وجايب لي الجـوال مـن دون تأويـل يسأل علينـا وأطلبـه حسـب مبـداي |
| وانته تدورلـك رمـوش(ن) مضاليـل ياحيـف تبغـا فاتنـه تعـزف النـاي |
| هـذه مطاليـب الشـبـاب المهابـيـل مثلك ومـن حولـك يبـا عالـم اليـاي |
| ما قلت لـك علمـي غبـاوة وتضليـل لكن قلتـه مـن ألـم داخـل احشـاي |
| ولا سمـعـت الا بكـاهـا مـواويـل ثـم قفلـت وتعكـرت بعدهـا اجـواي |
| واخذت اناضر فوق في الجدي وسهيـل محتار افكـر فـي زمانـي وممشـاي |
| اليـن اكتشفـت إنـا اوادم مساطـيـل منهو عطش ما نسقيـه شربـة المـاي |
| وإن البيوت أسرار فـي ظلمـة الليـل مانـي بعارفهـا وانـا فـوق مركـاي |
أكثر من مجرد بريد Windows Live™ سيمنحك المزيد أكثر من مجرد رسائل
أكثر من مجرد بريد Windows Live™ سيمنحك المزيد أكثر من مجرد رسائل
--~--~---------~--~----~------------~-------~--~----~
مرحباَ أيها القادم إلينا بدون إذن أو خبر ..
مرحباَ أيها المتمطي ظهر السحاب .. نحو العلا .. في ضوء القمر
سرى صدى الشباب في أمزجة الجبال .. فبث الروح في نبض الصخور ..
انتظر .. فالأمل كنز أنت على أعتابه فلا تخور ..
لا تخف .. وأملأ الفؤاد بحب مكنون ..
أقبل فهنا توزع الأقنعة من حب وفكر وإبداع وجنون
سجل وخذ قناعك فأنت في صدى الشباب
حب مكنون .... وإبداع بجنون ...!
http://sada-shbab.com/vb/index.php
-~----------~----~----~----~------~----~------~--~---
No comments:
Post a Comment